لطفا سایتی بیر آز دییشدیرینیز (میانا سسی نین جاوابی ایله)

بو سایتین عزیز سوروملیلاری،

چوخ ساغ اولاسیز کی بو سایتی یولا سالدینیز. آما آشاغیداکی سوروملارا دقت ائدنیز :

1) بو سایتی کیمی ایچون یولا سالیبسینیز؟

2) بو سایتی یولا سالاندا هدفینیز نه ایدی؟

3) اونین آدی ندیر؟ و نیه بو آدی اونا قویمیسینیز؟

4) ایندی عملا اوندا کیملر و کیملرین سسی و سوزی یازیلیر؟

5) سیز بو مدت ده سایت دا یازان و یازیلانلاری گورندن سونرا هدفینیزه چاتمیشسینیز یا یوخ؟

منجه و البته تکرار ائدیرم منجه(و بلکه ده من ایشتیباه ائدیرم ) یوخاری دا کی سورولارین جاوابی بئله اولا بیلر:

بیرینجی سورونون جاوابی:میانا شهرسانین اهالیسی ایچون یعنی مردم ایچون.

ایکینجی سورونون جاوابی : انسانلارین سسین مسوللارین قولاغینا چاتدیرماخ و مسوللاری بیرآز حرکت و فیکره وادار ائله مک تا انشاء الله میاناشهرستانینین دالی قالماسی علاج اولسون و  دئمیریک بویوک شهرلرکیمی آما  هئچ اولماسا اورتاخ بیر شهر کیمی اولسون.

اوچونجی سورونون جاوابی:اونون آدی"میانانین سسی"دیر تا میانالیلار سوزلریم اوندا یازیب و سسلرین وئره لر.

دوردینجی سورونون جاوابی:چوخ دولتی اداره لرین روابط عمومی سی و یا مسوللاری. البته اگر سیز بعضیلرین دولتی حساب ائتمه سز او باشقا بیر مسئله اولا بیلر! 

بئشینجی سورونون جاوابی: سیز داها یاخشی بیلیرسینیز.

باغیشلارسینیز منجه بو سایت گئتدیگیجه مسوللارین میکروفونونا چئوریلیر و اونلارین خبرگزاری دان ، قزئتلردن،دولتی رسانه لردن ، هر بیرینین اوز سایتلاریندان و خلاصه جور به جور وسیله لردان باشقا "میانا سسی" آدلی بیر رسانه لری ده اولور و گینه مردمین سسین اوجالدان و بیر کسین قولاغینا چاتدیران بیر وسیله اولمور .

 لطفا بیر آز بو باره ده آرتیخ فیکیرله شین و ایمکانی اولسا بو سایتی داها مردمی ائدین.

چون بیلیرم نیتینیز خییر دیر اونا گوره یازدیم یوخسا ...

میانا سسی : سایین حسن محمدپور جنابلاری! سایتا درینلشمک ایچین سیزه اللرینیز آغریماسین دیه بن، بو سایت میانانین مردمی ایله مسئول لارین کؤپروسو اولارکن ، ائلین سسین مدیرلره و مدیرلرین سسین میانالیلارا اولاشدیریر. بونلار ایپین ایکی اوجو دور. بونلارین هئچ بیریسین قیرماق اولماز. مسئوللارین سسی بورادا آرتیقراق گؤزه گلرسه، بو ایش یا مسئوللارین وظیفه بیلمه سیندن دیر یاخود مردمون وظیفه بیلمه مه گیندن! بورایا بیر آزاد تریبون دور. کیمسه بورادا مسئوللار ایچین انتقادی اولموشسا بیر یوکله میشیک. بو بیزلریک کی بیله میزه هئچ مسئله اؤنملی دگیل و هئچ بحرانا حساسیت یوخوموزدور. بیری سیز اؤزونوز! هانسی یولو یاخود قویونو مسئوللارا گؤسترمیسینیز؟ آغری بورادا دیر کی هامی قیراقدا اوتوروب و گؤزله ییر باشقاسی انتقاد ائده و آیریسی جاواب وئره و شهر دوزه له. بئله شهر دوزلمه اولارمی؟